चालू घडामोडी – 09 मे 2021
कर्जरोख्यातून राज्याला अतिरिक्त एक हजार कोटी
- महाराष्ट्र सरकारने काढलेल्या चार हजार कोटींच्या दीर्घकालीन विक्रीला गुंतवणूकदारांनी चांगला प्रतिसाद दिला.
- २०२१२२ चा १०२२६ कोटी ₹ तुटीचा अर्थसंकल्प सादर करावा लागला, कारण कोरोनाच्या या लाटेमुळं अर्थ व्यवस्था कोलमडली.
- या विक्री केलेल्या कर्ज रोख्यातून गुंतवणूकदारांचा चांगला प्रतिसाद नोंदवला गेला. अतिरिक्त २५% मागणी नोंदवली आहे.
- ११ वर्षांच्या मुदतीसाठी २.५ हजार कोटींच्या रोख्यांसाठी ६.८२% व्याजदर तर १२ वर्षांच्या मुदतीसाठी ६.८७% इतका व्याजदर निश्चित करण्यात आला आहे.
- राज्यसरकारला प्रतिसाद देणाऱ्या गुंतवणूकदारांनी केंद्र सरकारच्या रोखे विक्रीकडे पाठ फिरवली.
सतरा राज्यांतील आरक्षण धोक्यात
- मराठा समाजाच्या आरक्षणासाठी तयार केलेला कायदा सर्वोच्च न्यायायलाने रद्द केला त्यानंतर याचा फटका सतरा राज्यांतील आरक्षणाला बसणार आहे.
- या निकालात न्यायालयाने सांगितलं की ५०% पेक्षा जास्त आरक्षण असू नये, व यासाठी फेरविचार होऊ शकत नाही.
- त्यामुळे ज्या राज्यांमध्ये ५०% होऊन जास्त आरक्षण आहे ते आता धोक्यात येण्याची शक्यता आहे.
- तामिळनाडूच्या आरक्षणाचा घटनेच्या नवव्या परिशिष्टात समावेश आहे. त्यामुळे त्याला धोका नाही.
- पण ५०% मर्यादेच्या बाहेर असणाऱ्या आरक्षणाला फटका बसू शकतो.
- त्याचबरोबर हरियाणा, तेलंगणा, आंध्रप्रदेश, राजस्थान, छत्तीसगढ़, अरुणाचलप्रदेश या राज्यांमध्येही ही मर्यादा ओलांडली गेली आहे.
बौद्धिक संपदा हक्क माफी
- अमेरिकेने कोविड १९ प्रतिबंधक लसींवरचे बौद्धिक संपदेचे व्यापारविषयक हक्क तात्पुरते माफ केले आहेत.
- या निर्णयाचे अमेरिकन काँग्रेसने स्वागत केले आहे.
- या निर्णयामुळे अन्य देशांतील लोकांना मदत होणार आहे.
- त्याचबरोबर विषाणूंच्या अन्य उपप्रकारांपासून अमेरिकि नागरिकांचे सरंक्षण होणार आहे.
- पण वॉलस्ट्रीट जर्नलने यांवर टीका केली आहे, व म्हंटले आहे की हे हक्क माफ केले तर भविष्यात संशोधनात कोणी गुंतवणूकच करणार नाही.
- अमेरिकेसारख्या प्रगत देशांत उपचारपद्धती व अन्य वैद्यकीय प्रकियांमध्ये संशोधन केले जाते.
- या संशोधनासाठी मोठ्या प्रमाणावर गुंतवणूक केली जाते.
तिसरी लाट थोपवणे शक्य
- भारतात कोरोना साथीची तिसरी लाट अटळ आहे असं केंद्राचे मुख्य वैज्ञानिक सल्लागार के विजय राघवन यांनी सांगीतलं होतं.
- आता यावर त्यांनी सांगितलं आहे की जर का आपण योग्य उपाययोजना केल्या तर ही तिसरी लाट थोपवता येईल.
- साथीच्या लाटा व त्याची संख्या, रुग्णांची संख्या यांवर बोलण्यापेक्षा संसर्गाची ठिकाणे, तीव्रता व वेळ यांवर चर्चा करायला हवी.
- जर योग्य प्रतिबंधात्मक उपाययोजना केल्या गेल्या तर या तिसऱ्या लाटेपासून वाचवता येऊ शकतं.
- मास्क, सामाजिक अंतर, साबणाने हात धुणे, लसीकरण या गोष्टी नीटपणे पाळाव्याच लागतील.
- कारण ही तिसरी लाट कधी येईल हे सांगता येत नाही.
स्टॅलिन यांचा शपथविधी
- तामिळनाडूच्या निवडणुकीत दमदार कामगिरी करणारे द्रमुक पक्षनेते एम्.के. स्टॅलिन यांनी मुख्यमंत्री पदाची शपथ घेतली.
- राजभवन येथे राज्यपाल बनवारीलाल पुरोहित यांनी त्यांना पद व गोपनीयतेची शपथ दिली.
- त्यांच्या या मंत्रिमंडळात ३२ मंत्री आहेत.
- ते तामिळनाडूचे आजवरचे २३ वे मुख्यमंत्री ठरले.
- तर द्रमुक पक्षाकडून तिसरे मुख्यमंत्री आहेत.
रंगास्वामी यांचा शपथविधी
- पुद्दुचेरीत ऑलइंडिया एन.आर.काँग्रेसचे नेते एन. रंगास्वामी यांनी मुख्यमंत्री म्हणून शपथ घेतली.
- नायब राज्यपाल तामिळसाई सौंदरराजन यांनी त्यांना तामिळ भाषेतून शपथ दिली.
- रंगास्वामी मुख्यमंत्री होण्याची ही चौथी वेळ आहे.
- त्यांच्या मंत्रीमंडळात चार एन.आर.काँग्रेसचे व २ भाजपाचे असे सहा मंत्री आहेत.
निधन: वनराज भाटिया
- वय ९३ वर्षे, जेष्ठ संगीतकार.
- भारतीय व पाश्चात्य संगीताचा सुरेख मिलाफ म्हणजे त्यांची गाणी असत. हा मिलाफ धरत अभिजात संगीत निर्मिती करण्यासाठी ते प्रसिद्ध होते.
- लंडन मधील ‘ रॉयल ऍकॅडमी ऑफ म्युझिक’ व पॅरिस येथील संगीत विद्यालयात त्यांनी संगीताचे धडे घेतले.
- जाहिरातींना संगीत देण्यापासून त्यांनी सुरुवात केली, त्यांनी आजवर ७००० जाहिरातींना संगीत दिलं आहे.
- ‘वागळे की दुनिया’, ‘बनेगी अपनी बात’, ‘भारत एक खोज’ तर गोविंद निहलानी दिग्दर्शित ‘तमस’ यांसारख्या मालिकांच्या शीर्षकगीतांना संगीतबद्ध केलं.
- श्याम बेनेगल दिग्दर्शित ‘अंकुर’ हा त्यांनी संगीतबद्ध केलेला पहिला चित्रपट, अन्य गाजलेले चित्रपट: मंथन, जाने भी दो यारों, जुनुन, ३६ चौरंगी लेन, मोहन जोशी हाजीर हो, खमोश इ.
- तमस साठी राष्ट्रीय पुरस्कार, संगीत नाटक अकादमी पुरस्कार, पद्मश्री पुरस्कार त्यांना मिळाले आहेत.
DOWNLOAD – MPSC Question Papers [ALL]