चालू घडामोडी – 04 मे 2021
केंद्राचे लसधोरण आरोग्यास बाधक
- केंद्र सरकारचे लसधोरण हे प्रथमदर्शनी जनतेस बाधक असल्याचे दिसत आहे म्हणून त्यात बदल करण्याचे आदेश सर्वोच्च न्यायालयाने दिले आलेत.
- आरोग्य राज्यघटनेच्या कलम २१चा अविभाज्य भाग आहे, याकडे बोट दाखवत केंद्राला लस धोरणात बदल करण्याचे आदेश दिले आहेत.
- कोरोनाच्या आपत्ती व्यवस्थापनाबद्दल चाललेल्या सुनावणी दरम्यान महत्वाच्या शिफारशी व निर्देश न्यायालयाने दिले.
- रुग्णांकडे स्थानिक निवासाचा दाखला व ओळखपत्र नसेल तरीही त्यांना अत्यावश्यक औषधोपचारा पासून दूर ठेवता येणार नाही.
- रुग्णांना रुग्णालयात दाखल करण्याबाबत राष्ट्रीय धोरण निश्चित करण्याचे आदेश केंद्राला न्यायालयाने दिले आहेत.
ओडिशाने पत्रकारांना कोविड योध्याचा दर्जा दिला
- ओडिशा सरकारने पत्रकारांना कोविड योध्यांचा दर्जा दिला आहे.
- पत्रकार हे अखंड वार्तांकन करत खूप चांगली सेवा देत आहेत व जनतेला कोविडच्या प्रश्नांबद्दल जागरूक करत आहेत म्हणून त्यांची ही मागणी मान्य केल्याचं मुख्यमंत्री नवीन पटनायक यांनी सांगितलं
- या निर्णयाचा फायदा ६९४४ पत्रकारांना होणार आहे.
- यासाठी हे पत्रकार गोपाबंधु संबाधिका स्वास्थ्य बीमा योजनेचे लाभार्थी ठरणार आहेत.
- या योजनेअंतर्गत त्यांना दोन लाख ₹ चा विमा मिळणार आहे.
पुन्हा स्थलांतरितांचा प्रश्न
- अनलॉक जसा जसा सुरू होत गेला तसे काही महिन्यांपूर्वी मजूर पुन्हा मोठ्या शहरांकडे परतू लागले होते.
- एप्रिल मध्ये आलेल्या दुसऱ्या लाटेमुळे व लॉकडाऊन मुळे पुन्हा एकदा हे मजुरांचे लोंढे त्यांच्या स्वतःच्या गावाला परतत आहेत.
- त्यांच्या जगण्याचा व रोजगाराचा पुन्हा एकदा मोठा प्रश्न उभा राहिला आहे.वाढती रुग्णसंख्या, बेड, ऑक्सिजन व औषधांची कमतरता या विचित्र परिस्थितीमध्ये जो वर रेल्वे सुरू आहेत तोवर आपापल्या गावाला पोहोचण्याचा या मजुरांचा प्रयत्न आहे.
- हातात काम नाही त्यामुळे पैसा नाही पण गावाला पोहोचण्यासाठी जी किंमत मोजावी लागत आहे ती ही अधिकच आहे.
- या सर्व परिस्थितीमुळे त्यांचे यावर्षीही खूप हाल होत आहेत. आणि स्थलांतरित मजुरांचा प्रश्न तसाच आहे त्यावर मार्ग काढला जात नाही.
पाच राज्यांच्या निवडणुका
- बंगाल विधानसभा निवडणूक २०२१:
- प. बंगाल विद्यमान मुख्यमंत्री ममता बॅनर्जी यांचा एकहाती विजय.
- तृणमूल काँग्रेसला तब्बल २१५ जागांवर विजय मिळवत प्रचंड बहुमत.
- भाजपाला ७६ जागा मिळाल्या.
- तरीही नंदीग्राम मतदार संघातून बॅनर्जी यांचा पराभव, माजी सहकारी सुवेन्दू अधिकारी यांनी पराभूत.
- काँग्रेस व डावे पक्ष यांना शून्य जागा.
- बंगालमध्ये विधानपरिषद नसल्यामुळे बॅनर्जी यांना येत्या सहा महिन्यांत पुन्हा एकदा निवडून यावे लागणार.
आसाम विधानसभा निवडणूक २०२१:
- भाजप प्रणित आघाडीला स्पष्ट बहुमत.
- दुसऱ्यांदा भाजप , आसाम गण परिषद व युनायटेड पीपल्स पार्टी लिबरल यांच्यासह सरकार स्थापन करणार.
- एकूण जागा १२६ पैकी भाजप आघाडीला ७४ जागा,
- तर काँग्रेस आघाडीला ५० जागा.
- सर्वानंद सोनोवाल किंवा हेमंत बिस्वशर्मा मुख्यमंत्री होतील
तामिळनाडू विधानसभा निवडणूक २०२१:
- द्रविड मुंनेत्र कळ्ळघम् (डीएमके) १० वर्षांनी सत्तेत.
- एआयएडीएमके/अण्णाद्रमुक चा पराभव झाला.
- डीएमके ला १३५ जागा तर एआयडीएमके ला ७० जागांवर समाधान मानावे लागले.
- एम्.के. स्टॅलिन हे नवे मुख्यमंत्री होतील.
केरळ विधानसभा निवडणूक २०२१:
- डाव्या लोकशाही आघाडीचा (एलडीएफ) ऐतिहासिक विजय.
- दुसऱ्यांदा सत्ता मिळत नाही अशी चार दशकांची परंपरा असणाऱ्या केरळमध्ये पी. विजयन् पुन्हा एकदा मुख्यमंत्री होणार.
- एलडीएफ ला १४० पैकी ७९ जागा मिळाल्या तर युडीएफ (काँग्रेसप्रणित आघाडी) ला ३६ जागा.
- मेट्रोमॅन इ. श्रीधरन पराभूत.
पुद्दुचेरी विधानसभा निवडणूक २०२१:
- केंद्रशासित प्रदेश, एकूण ३० जागा.
- एन.आर.काँग्रेस ला १० जागा तर भाजपला ६ जागा, काँग्रेसला २ जागा तर द्रमुक ला ६ जागा.
- सुरक्षेचा तामझाम, गाड्यांचा ताफा, लोकांची गर्दी याला महत्व न देता सहज जनतेसाठी उपलब्ध होणे अशी खासियत असलेले एन.रंगास्वामी हे तिसऱ्यांदा मुख्यमंत्री.
- म्हणून ते लोकांचे मुख्यमंत्री म्हणून प्रसिद्ध आहेत.
DOWNLOAD – MPSC Question Papers [ALL]