02 July 2020 Current Affairs In Marathi (Chalu Ghadamodi) । चालू घडामोडी
गरिबांना आणखी 5 महिने मोफत धान्य
- कोरोना महामारीच्या पार्श्वभूमीवर लावण्यात आलेल्या टाळेबंदीच्या शिथिलीकरनाचा दुसरा टप्पा 1 जुलै 20 पासून सुरू झाला यावेळी पंतप्रधान मोदींनी देशाला उद्देशून भाषण केले.
- आता सणासुदीचा काळ सुरू होईल आणि जनतेच्या गरजा वाढून खर्च वाढतील म्हणून गरिबांना आणखी 5 महिने मोफत धान्य देण्याचा निर्णय सरकारने घेतला आहे.
एसटी मध्ये स्वेच्छानिवृत्ती योजना
- लॉकडाऊन मुळे राज्याची आर्थिक स्थिती कमालीची बिघडली आहे ती सुधारण्यासाठी राज्य सरकार विविध गोष्टीवर विचार करत आहे. यामध्ये एसटी महामंडळ स्वेच्छा निवृत्ती योजना लागू करण्याचे विचार चालू आहेत.
- 1 लाख कर्मचाऱ्यांचे वेतन आणि इतर खर्च कमी करण्याच्या उद्देशाने योजना लागू करण्यात येत आहे. या योजनेमध्ये महामंडळातील तब्बल 27 हजार अधिकारी, कर्मचारी पात्र ठरू शकतात.
सरकारी कामकाजात मराठीचा वापर सक्तीचा
- महाराष्ट्र राज्याची राजभाषा मराठी असून तिचा वापर सरकारी कामकाजात होणे आवश्यक आहे. याबाबत सरकारने अनेकदा सूचना आणि आदेश देऊनही अनेक अधिकारी यावर टाळाटाळ करताना दिसत आहेत.
- मराठीचा वापर न करणाऱ्या सरकारी आणि निमसरकारी कर्मचाऱ्यांना आता कारवाईला सामोरे जावे लागणार आहे. दोषी आढळल्यास कर्मचाऱ्याची एक वर्ष वेतनवाढ रोखण्याचा निर्णय घेण्यात आला आहे.
शुल्करचनेत हस्तक्षेप करण्याचा अधिकार
- महामारीच्या पार्श्वभूमीवर खासगी विना अनुदानित शाळा किंवा परीक्षा मंडळाच्या फी मध्ये कोणतीही वाढ करता येणार नाही अस महाराष्ट्र सरकारने सांगितले होते.
- याबाबत, फी रचनेत किंवा शुल्कवाढ रोखण्याचा राज्य सरकारला कोणताही अधिकार नाही असे मत उच्च न्यायालयाने व्यक्त केले आहे.
पर्यावरणीय संवेदनशील क्षेत्रात खाणकामास बंदी
- केंद्रीय वने आणि पर्यावरण मंत्रालयाने ताडोबा अंधारी व्याघ्र प्रकल्पासाठी पर्यावरण संवेदनशील क्षेत्राची अंतिम अधिसूचना जाहीर केली आहे.
- या अंतिम सूचनेनुसार, प्रकल्पाच्या चारही बाजूला 3 ते 16 किलोमीटरवर पर्यावरणीय संवेदनशील क्षेत्राचा विस्तार करण्यात आला आहे.